الخوف من المستقبل حاجه تعباني قوي وبفكر فيها علي طول
يمكن ساعات بحس انها مش مشكلتي لوحدي انما مشكله جيل بحاله
مشكله شباب جه الدنيا ولاقيه الدنيا في تطور مستمر ومش ثابت علي حال واحد
اللي فوق بقي تحت واللي كان تحت بقي فوق
خصوصا كمان ان مفيش حاجه تبشر بشعاع امل اننا ممكن نتمسك بيه
دايما بقيت خايفه من بكره
مع اني والله مكونتش كده ابدا
كنت زمان وانا صغيره كل يوم اصحي من النوم الصبح اقول يوم جديد يبقي في امل جديد
ويعدي اليوم وازعل فيه كتير واتنكد كتير لكن في اخر اليوم اقول
اكيد بكرة احلي واكيد بكرة ان شاء الله هيحصل حاجه تبشر بالخير
بس كان يجي بكرة ويجي بعده وعدت سنيت علي هذا المنوال وملقيتش حاجه بتتغير
لحد خلاص وصلت لمرحلة بجد بقيت خايفه من الثانيه اللي هتعدي عليا بعد شويه
لا يحصلي حاجه تزعلني وتنكدني اكتر من كده
بس لسه برضه بحاول اتفاءل واحاول اكون احسن من كده
بحاول اقول ان اكيد الدنيا هتبقي احسن في يوم من الايام
واكيد ربنا مش بيتخلي عن عباده
يمكن لقيت الحل الوحيد هو التقرب اللي الله داعيه ايه ان يمنحني مستقبل مشرف
اقدر في يوم اني اكون أم صالحه كمان لان دي حاجه قلقاني من ضمن المستقبل
نفسي في يوم اولادي يفتخروا اني ام لهؤلاء الاطفال
اللي هحاول اربيهم تربيه سليمه عشان يكونواسبب من اسباب نهضه بلدنا واسلامنا
